Umsóknarferli
Sjúkraþjálfun í heimahúsum er ætluð einstaklingum sem ekki eiga heimangengt vegna heilsufarslegra ástæðna. Til þess að hefja meðferð þarf ávallt að liggja fyrir beiðni um heimasjúkraþjálfun. Slík beiðni er skrifuð af lækni og staðfestir að meðferðin skuli fara fram á heimili einstaklingsins.
Allir læknar geta skrifað beiðni um heimasjúkraþjálfun, en algengast er að heilsugæslulæknar og læknar á sjúkrahúsum annist það. Aðrir sérfræðilæknar gera það einnig. Þegar beiðni hefur verið gefin út er haft samband við þjónustustjóra Heimasjúkraþjálfunar í síma 860 4080. Þar er tekið á móti beiðninni, skráðar helstu upplýsingar og veitt svör við öllum fyrirspurnum. Reynt er að hafa biðtíma eftir heimasjúkraþjálfun eins stuttan og mögulegt er.
Beiðnir um heimasjúkraþjálfun sendast til:
Heimasjúkraþjálfun,
Pósthólf 10035
110 Reykjavík
UM FÉLAGIÐ
Heimasjúkraþjálfun, félag heimasjúkraþjálfara á höfuðborgarsvæðinu, var stofnað þann 29. maí 2015 af sautján sjúkraþjálfurum sem hafa heimasjúkraþjálfun að aðalstarfi.
Markmið félagsins er að halda utan um heimasjúkraþjálfun á höfuborgarsvæðinu.
Fyrsta beiðnin um sjúkraþjálfun í heimahúsi var skrifuð árið 1993. Síðan þá hefur eftirspurn farið mjög vaxandi. Eykst hún í réttu hlutfalli við fjölgun aldraðra, fatlaðra og sjúkra sem geta ekki nýtt sér endurhæfingu utan heimilis.
Þjónustustjóri
Innan félagsins starfa stjórn, framkvæmdastjóri og þjónustustjóri.
Sigurbjörg Júlíusdóttir, sjúkraþjálfari, gegnir hlutverki þjónustustjóra og tekur á móti beiðnum um heimasjúkraþjálfun. Hún hefur milligöngu um að úthluta sjúkraþjálfara og svarar fyrirspurnum þeirra sem leita til okkar.
Stjórn félagsins
Sigurbjörg Júlíusdóttir formaður
Jakobína Edda Sigurðardóttir gjaldkeri
Elín S. Jónsdóttir ritari
Ásdís Magnúsdóttir meðstjórnandi
Birna Aubertsdóttir meðstjórnandi
Hvað er Heimasjúkraþjálfun?
Heimasjúkraþjálfun er sjúkraþjálfun sem fer fram á heimili fólks sem ekki getur sótt hefðbundna sjúkraþjálfun vegna heilsufars eða annarra aðstæðna. Meðferðin er veitt af sérhæfðum sjúkraþjálfurum sem koma heim til skjólstæðings og veita faglega þjónustu í hans eigin umhverfi.
SjúkraþjálfaraR
Aðalheiður Kristín Þórarinsdóttir
Andrés Nieto Palma
Andri Geir Jónasson
Ásdís Magnúsdóttir
Birna Aubertsdóttir
Birna G. Gunnlaugsdóttir
Birna María Karlsdóttir
Daði Hafsteinsson
Elín Jónsdóttir
Fríða Bonnie Andersen
Guðrún Þura Kristjánsdóttir
Helga Ágústsdóttir
Helga Aspelund
Helgi Erlendsson
Heiðrún Helga Snæbjörnsdóttir
Hjalti Valur Þorsteinsson
Hlíf Garðarsdóttir
Hlynur Helgi Arngrímsson
Hlynur Jónsson
Inga Dagmar Karlsdóttir
Jakobína Sigurðardóttir
Karin Mattsson
Kristín Ósk Gísladóttir
Margrét Garðarsdóttir
María Kristín Valgeirsdóttir
Monique van Oosten
Sif Gylfadóttir
Sigurbjörg Júlíusdóttir
Skúli Pálmason
Unnur Carlsdóttir
Þórunn Rakel Gylfadóttir
Þorsteinn Viðar Heimisson
Markmið
Með heimasjúkraþjálfun er átt við sjúkraþjálfunarmeðferð sem fer fram á heimili einstaklings sem er það líkamlega á sig kominn að hann getur ekki sótt meðferð á sjúkraþjálfunarstofu. Sjúklingar á öllum aldri geta haft gagn af heimasjúkraþjálfun, hvort sem um er að ræða tímabundið ástand eða langvarandi fötlun eða veikindi.
Heimasjúkraþjálfarar leggja áherslu á fagmennsku og vönduð vinnubrögð á sviði þjálfunar og endurhæfingar. Þeir mæta hverjum einstaklingi þar sem hann er staddur og taka mið af hans aðstæðum og getu.
Markmið með heimasjúkraþjálfun geta verið mjög mismunandi eftir einstaklingum, þó aðaláherslan sé gjarnan á endurhæfingu til að bæta eða viðhalda færni. Þjálfunin miðar gjarnan að því að auka getu einstaklings til að takast á við athafnir daglegs lífs (ADL). Eftir viðtal, skoðun og greiningu setur sjúkraþjálfarinn upp einstaklingsmiðaða þjálfunaráætlun sem hann endurmetur og aðlagar eftir þörfum.
Þjálfunaráætlun getur meðal annars innihaldið markmið um að:
- Auka vöðvastyrk, þol, göngugetu, liðleika og stöðugleika.
- Minnka þreytu, mæði, slappleika, eymsli, verki og streitu.
- Bæta líkamsstöðu, líðan, samhæfingu og jafnvægi.
- Auk leiðbeininga, fræðslu og kennslu eftir þörfum.
Heimasjúkraþjálfarar leggja jafnan áherslu á að þjálfa og viðhalda bestu hreyfifærni og sjálfsbjargargetu svo að fólk geti búið sem lengst heima og annast sig sjálft.
Sjúkraþjálfarar hafa einnig heimild til að sækja um viðeigandi hjálpartæki fyrir skjólstæðinga sína, ef þeir telja þörf á slíku.
TENGLAR
AÐRIR TENGLAR
Hafa samband
Félag heimasjúkraþjálfara á höfuðborgarsvæðinu
Netfang: heimasj@heimasj.is
Sími: 860-4080
Mán til fös: 08-16
Viðtakandi beiðna um heimasjúkraþjálfun er:
Heimasjúkraþjálfun, Pósthólf 10035 - Reykjavík